ماسه امال اقولك يا أي .. فريده متقوليش خالص و يلا علي المطبخ عشان تجهزي الاكل و تبقي تلبسي عشان زمانهم جاين ماسه حاضر و دخلت أوضتها و قعدت ورا بابا الاوضه و فضلت ټعيط.. نسيت اعرفكم بنفسي انا ماسه و عمري 19 سنه عايشه مع مرات ابويا و بابا ماټ من سنه و سابني و ماما ماټت و هي بتولدني .
. ماسه واقفه بتعمل الأكل من الصبح و كانت ھتمــ,,ـــــوت من التعب لأن هي ما اخدتش العلاج بتاعها كانت لسه هتقعد لكن صوت مرات ابوها وصلها و هي بتزعق.. فريده الهانم الي قعدت قومي ياختي امال مين هيكمل الاكل ده ..
ماسه انا هكمله بس ممكن تساعديني في تقطيع الخضار عشان و الله تعبت فريده امال يا اختي ناقص اشتغلك خدامه هما جاين ليكي أنتي مش ليا و يلا انجزي و لا هتطلعيلهم بهدومك دي و ريحه الاكل الي عليها أنا رايحه اجهز نفسي و انتي يلا خلصي...
ماسه فضلت واقفه في المطبخ بتجهز الاكل و كانت الدموع نازله علي خدودها بسبب الۏجع شويه و خلصت الاكل و دخلت اوضتها عشان تجهز نفسها .. فريده بتخبط علي الباب و هي بتزعق الهانم خلصت و لا لسه ماسه قامت بسرعه و مسحت دموعها و قالت خلاص اهو فاضل حاجات بسيطه و اخلص .
. فريده طب يلا ياختي زمان أهل العريس علي وصول ... ماسه من ورا الباب حاضر ... فريده أخيرا هخلص منك و أشوف نفسي بقا ... عارفه يا ماما مع أني مشفتكيش قبل كده بس حبيتك من كلام بابا عنك تعرفي أن هو كان بيحبك اوي و أتجوز عشاني عشان ميخلنيش من غير أم.
. و انت يا بابا انا عارفه أن انت كان نفسك تبقي موجود معايا دولوقتي خصوصا في يوم زي ده كنت علطول تقولي أني هبقي عروسه حلوه .. و فاقت من ده كله علي صوت فريده و هي بتقولها يلا عشان الناس وصلت تحت ماسه حاضر.. لحظات و الباب خبط .
. فريده جريت بسرعه ناحيه الباب و فتحت اهلا اهلا اتفضلوا ... أهل العريس دخلوا و كان معاهم المأذون و قعدوا جوه في الصاله و كانت أم العريس بتسأل علي ماسه ... فريده ثواني هنديها .. دخلت فريده أوضه ماسه و قالتلها تخرج تقدم العصير عشان الناس .
. ماسه حاضر و دخلت المطبخ جابت العصير و بدأت تقدمه.. أم العريس كانت بتتكلم بلويه بوق و بتقول هو علي كده الهانم بتعرف تطبخ ... ماسه أستغربت من طريقه كلامه و كانت لسه هترد لكن فريده اتكلمت ...
فريده أيوه بتعرف تطبخ و بتعرف تعمل كل حاجه بسم الله ما شاء الله بنتنا شاطره متقلقيش .. أم العريس أنتي أكيد عارفه أن احنا أنهارده هنكتب الكتاب و ناخدها معانا الصعيد عشان أهلنا يشوفوها ... ماسه هو أبن حضرتك شغال أي ..
أم العريس هو مش أبني الحقيقي ابن جوزي و هو من القاهر بس بقاله فتره قاعد في الصعيد مع جده و بيتابع الشغل علي النت ... ماسه يعني أنا هعيش في الصعيد .. أم العريس اه و ماله .. ماسه بس أنا مش موافقه و سابتهم و دخلت الاوضه.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.