نظر إلى عتمان بصرامة وقال:- كفاية لحد هنا يا عمي. أنا كنت مديلك فرصة تصلح اللي عملته، وكنت مستعد أقفل الموضوع من غير ما أوصل لاجتماع مجلس إدارة علني، لكن واضح إنك مش فاهم إن الفرصة دي كانت آخر فرصة ليك.

ثم أخرج هاتفه، وفتح بعض الملفات، وقال:- أنا راجعت الورق والملفات كلها، ووصلت لحاجات كتير كنت متأكد إنك هتنكرها، وعشان كده عرضت كل حاجة على زيدان النهارده، وخليته يشوف بنفسه حجم التجاوزات اللي حصلت. من اللحظة دي دورك انتهى معانا، لا إدارة ولا صلاحيات ولا قرارات باسم الشركة.

نهض عتمان غاضبًا:- إنت بتقول إيه يا صفوان؟! إنت فاكر إنك تقدر تطردني من الشركة؟- أنا مش بطردك من حقك كشريك، نصيبك وأرباحك مش هقرب منهم، لكن إدارتك انتهت، ومش هتقدر تستخدم اسم الشركة أو سلطتك فيها لمصلحة شخصية تاني.

الأكثر قراءة الان

مهره البارت 2منذ شهرمهره البارت 3منذ شهروانا في عمليتي الجراحيةمنذ شهر

ثم أضاف بنبرة قاطعة:- وبالنسبة للبيت ده، أنا هشوفلك شقة تانية تقعد فيها، ونصيبك في البيت هيكون لوالد مهرة، كتعويض ليها عن حقها ، واللي إنت اعترفت بنفسك إنك ضيعت حقوقهم. تحدث عتمان بغضب، وقد شعر أن الأمور تفلت من يده، فنظر إلى صفوان وقال باعتراض:- ومين هيمسك بدالي؟

! المفروض تجيب واحد غريب يدير الشغل؟! يعني بعد كل السنين دي، هتسلّم شغلي لحد من بره العيلة؟رفعت مهرة رأسها ونظرت إليه بتحدٍّ، ثم قالت بثبات:
- وأنا همسك الشغل بدالك. التفت إليها عتمان بحدة، وكأنه لم يستوعب ما سمعه، ثم انفجر غاضبًا:- إنتِ؟! إنتِ اللي هتمسكي الشغل؟

! إنتِ فاكرة نفسك فين؟! هو الموضوع لعبة عشان تدخلي تقولي أنا همسك مكان أبويا؟!لم تتراجع مهرة، بل وقفت أمامه وقالت:- أنا مش أقل من أي حد، ولو إنت شايف إنك الوحيد اللي عنده القدرة يدير الشغل، فأنا هثبتلك إنك غلطان.

إنت أخدت فرصتك وضيعتها، ودلوقتي جه دوري. اشتعل الغضب في عيني عتمان، واقترب منها بعنف وهو يرفع يده:- إنتِ اتجننتي؟! إنتِ هتتحديني أنا؟! أنا أبوكي، وعايزة تقفي مكاني وتاخدي شغلي كمان؟!لكن قبل أن تصل يده إليها، اندفع صفوان ووقف أمام مهرة، مانعًا عتمان من الاقتراب منها، وقال بحدة:- إوعى تمد إيدك عليها يا عتمان!

لو فاكر إنك تقدر ترفع إيدك على مهرة وأنا واقف، تبقى غلطان. حاول عتمان أن يتجاوزه، لكن صفوان ظل واقفًا أمامه، ثم التفت إلى مهرة وقال بحسم:- وأنا موافق يا مهرة. إنتِ اللي هتمسكي مكانه.

نظر إليه عتمان بعدم تصديق، فقال صفوان دون أن يتراجع:- ولو عملت اجتماع مجلس إدارة علني، الكل هيوافق على القرار ده ولو انا وافقت محدش هيقدر يعترض ومهرة هتاخد فرصتها، وأنا هكون مسؤول عن دعمها ومتابعة شغلها لحد ما تقدر تمسك كل حاجة بنفسها.

حاول عتمان أن يجد مخرجًا، فتراجع قليلًا وقال بسرعة:- خلاص، طالما مش عايزني أنا اللي أمسك، يبقى ابني هو اللي يمسك مكاني. ابنى أولى بالشغل، وهو فاهم كل حاجة، وعنده خبرة في الإدارة. لكن صفوان هز رأسه رافضًا، وقال بلهجة قاطعة:- لأ يا عمي، أنا اخترت مهرة، وقراري مش هيتغير.